Tinndinoore: Jannde ndee feccaama e suuraaji 15. Inde holla ko mawni nder Konngol Laamɗo, laatiingol ko Joomiraaɗo muuyi haalande ma.

Suura fuu ina jokkiraa ƴamɗe. A heɓan yigoo balloowo ma, faa kaaldon e dow ko njaabinoɗaa. Aɗa waawi ƴamude neɗɗo oon ƴamɗe feere du. Ko ɓuri laataade, si a tilake winndude ko njaabiɗaa fu, balloowo oon jaaboto e dow ko mbinnduɗaa jaango majjum, maa faɓɓi-jaango majjum. Si jannde ndeen timmii fu, a heɓan sertifikaa kolloowo a timminiri jannde no haaniri fodde miiloo balloowo maa oon.

Si aɗa waawi timminde suura go'o naa suuraaji ɗiɗi ñannde fuu, ɗum na wooɗi. Noon mbaawɗaa miilaade faa luggi goonga binndaaɗo e suuraaji ɗiin. Hono nii du aɗa waawi gaajaade e balloowo maa, oɗon mbaawi anndondirde, pilloɗon e dow ƴamɗe maaɗa feere feere, e dow kabaaru nguurndam e kujje yonki. Na moƴƴi si a hooƴii jeɗɗiije seeɗa faa huuɓina (yottina) jannde ndee fuu.

Barke, kori jannde ndee welii ma. Ɗum dawranaaɓe kaajaa, nde walle faa ɓattoɗaa Joomiraaɗo. 

Inan ko janngoowo gooto wi'i dow jannde nde:

“Ko walli kam sanne e jannde ndee wo balloowo am oon, no jaaborii ƴamɗe am faa mbaawumi faamude kabaaruuji ɗiin ko ɓuri arande. E ɓernde am, miɗo anndani ɗum sanne saabe majjum sanne.”